ग्रामपंचायत आटगाव अंतर्गत एकूण ५ शैक्षणिक संस्था व ६ अंगणवाडी केंद्रे कार्यरत आहेत. गावाच्या दक्षिणेला पुरातन शिव मंदिर व प्राचीन पांडव लेणी असून हनुमान मंदिर, गावदेवी मंदिर व स्वामी समर्थ मंदिर ही धार्मिक स्थळे गावाच्या सांस्कृतिक जीवनाचा अविभाज्य भाग आहेत. बहुतांश कुटुंबे वारकरी संप्रदायातील असून दरवर्षी अखंड हरिनाम सप्ताह होत असल्याने गावाचे वातावरण धार्मिक व शांततामय आहे.

महिला सक्षमीकरणासाठी बचतगटांच्या माध्यमातून शिवणकाम, विणकाम, दागिने बनविणे, कौशल्य विकास प्रशिक्षण, प्लंबिंग व उद्योजकता उपक्रम राबविले जात आहेत.

ग्रामपंचायत आटगावमध्ये जलजीवन मिशन, स्वच्छ भारत अभियान, प्रधानमंत्री आवास योजना, महिला बचतगट योजना, जन मन योजना, आदिम घरकुल योजना, शबरी आवास योजना, रमाई आवास योजना, मोदी आवास योजना इत्यादी विविध शासकीय योजना प्रभावीपणे राबविल्या जात आहेत. ग्रामपंचायतीचा वार्षिक निधी सुमारे ₹७३,६४,३७३/- असून तो आरोग्य, शिक्षण, उपजीविका, स्वच्छता, पाणीपुरवठा, सार्वजनिक दिवाबत्ती, दिव्यांग कल्याण, महिला व बालकल्याण, रस्ते, गटारे, कृषी, पशुसंवर्धन व सांस्कृतिक उपक्रमांसाठी वापरण्यात येतो.

धार्मिक व सांस्कृतिक जीवनात दिवाळी, दसरा व होळी हे सण उत्साहात साजरे केले जातात. स्वच्छता व पर्यावरण रक्षणासाठी वृक्षारोपण, स्वच्छता ही सेवा आणि प्लास्टिकमुक्त गाव अभियान राबविले जात आहे.

ग्रामपंचायतीचे अधिकृत कामकाज सोमवार ते शुक्रवार सकाळी ९.४५ ते सायं ६.१५ या वेळेत चालते. शनिवार, रविवार व शासननिर्धारित सुट्ट्यांना कार्यालय बंद असते.